Konfidansyalite

1. Sa dokiman sa a ye Politik sa a esplike ki enfòmasyon PNICE Academy kolekte sou ou, poukisa, ak ki dwa ou genyen. Nou kolekte sèlman sa nou bezwen pou platfòm nan mache. 2. Enfòmasyon nou kolekte • Kont ou: non ou, adrès imèl ou, ak foto pwofil ou, ki soti nan kont Google ou lè w konekte (atravè sèvis koneksyon nou an, Clerk). • Pwogrè ou: ki leson ou gade, ki kou ou fini, sètifika ou resevwa yo. • Acha ou yo: ki kou oswa abònman ou peye, dat ak montan yo (an USD ak an goud). Pou MonCash ak NatCash, se patnè peman nou yo (Bazik, Kobara) ki trete peman an; nou pa janm wè ni kenbe kòd sekrè w. Lè peman ak kat la ap disponib, se Stripe k ap trete kat ou; nou p ap janm wè nimewo kat ou. • Mesaj sipò ou yo: sa w ekri nan tikè sipò yo, pou nou ka reponn ou. • Chwa cookies ou: sa w aksepte nan ti fenèt cookies la (esansyèl, estatistik, maketing). 3. Poukisa nou itilize yo Pou louvri aksè ak kou ou achte yo, swiv pwogrè ou, bay sètifika, reponn kesyon ou yo, voye imèl enpòtan sou kont ou (resi, konfimasyon), epi amelyore platfòm nan. Nou pa vann done pèsonèl ou bay pèsonn. 4. Patnè teknik nou yo Pou platfòm nan fonksyone, nou sèvi ak kèk patnè serye ki trete done nan non nou: • Clerk — koneksyon ak sekirite kont (Google). • Bazik — trete peman MonCash yo. • Kobara — trete peman NatCash yo. • Stripe — peman ak kat (byento); se yo k ap kenbe enfòmasyon kat ou, dapre estanda sekirite bankè yo. • Bunny — difizyon videyo yo ak estokaj fichye kou yo. • Resend — imèl nou voye ba ou (resi, sipò, nouvèl kont ou). • Yon baz done ki byen pwoteje kote nou kenbe kont ou ak pwogrè ou. Chak patnè resevwa sèlman sa li bezwen pou wòl pa li. 5. Cookies Cookies esansyèl yo nesesè pou sit la mache (pa egzanp, pou w rete konekte). Cookies estatistik ak maketing yo mache sèlman si ou aksepte yo; ou ka chanje chwa ou nenpòt kilè. 6. Konbyen tan nou kenbe done ou Nou kenbe done kont ou toutotan kont lan aktif. Resi ak dosye peman yo rete pi lontan paske lalwa ak kontabilite mande sa. Si w efase kont ou, nou efase enfòmasyon pèsonèl ou (non, imèl, telefòn, vil); liy kontablite acha yo rete, men san non w sou yo — se sa lalwa mande, epi se sa ki pèmèt yon ranbousman toujou posib. 7. Dwa ou yo Ou gen dwa: wè done nou gen sou ou, korije yo, oswa mande efase kont ou. Pou sa, louvri yon tikè sipò oswa ekri kontak@pniceacademy.com. N ap reponn ou pi vit posib. 8. Sekirite Koneksyon ou ak sit la chifre (HTTPS). Aksè ak done yo limite: sèlman moun ki bezwen yo pou fè travay yo ka wè yo, epi aksyon admin yo anrejistre. 9. Chanjman Si politik sa a chanje, dat la ap mete ajou anwo paj la, epi n ap fè w konnen si chanjman an enpòtan. 10. Kontak Pou nenpòt kesyon sou done ou: kontak@pniceacademy.com