Ranbousman

1. Prensip nou Nou vle w achte ak konfyans. Règ yo senp, epi yo klè menm jan an kreyòl ak an franse. 2. Kou achte a linite — 7 jou Ou ka mande ranbousman KONPLÈ yon kou ou achte a linite si DE kondisyon sa yo ranpli: • ou fè demann lan nan 7 jou apre dat acha a, epi • ou poko gade plis pase 20% nan kou a. Pase 7 jou, oswa si w gade plis pase 20% nan kou a, acha a pa ranbousab ankò. 3. Abònman (Pass Prof ak Pass PNICE) Ou ka kanpe yon abònman nenpòt kilè, depi nan kont ou. Lè w kanpe li: • ou kenbe aksè a jouk dènye jou peryòd ou te deja peye a; • apre dat sa a, abònman an pa renouvle epi ou pa peye anyen ankò; • mwa ki deja peye a pa ranbousab, ni an antye ni an pati. Si nou ta debite w de fwa pou menm peryòd la pa erè, n ap ranbouse w san diskisyon. (Pass yo ap disponib lè peman ak kat la louvri, byento; règ sa yo ap aplike depi lè sa a.) 4. Kijan pou w fè demann lan Louvri yon tikè sipò nan kont ou (Kont → Sipò) oswa ekri kontak@pniceacademy.com, ak imèl kont ou ak non kou a. Ou pa bezwen esplike anpil — men si w di nou sa k pa mache, sa ede nou amelyore. 5. Kijan nou remèt lajan an Nou remèt lajan an menm kote li te soti a: • Peman MonCash oswa NatCash: nou voye montan egzak ou te peye a an goud, tounen sou MENM nimewo MonCash oswa NatCash ou te sèvi pou peye a. Ranbousman sa a fèt manyèlman pa ekip nou an — konte jiska 7 jou ouvrab apre nou apwouve demann lan. • Peman ak kat (lè li disponib): ranbousman an ap pase sou menm kat ou te peye a, an USD; bank ou ka pran 5 a 10 jou ouvrab anplis pou montre lajan an. Nou pa ka voye yon ranbousman sou yon lòt nimewo, yon lòt kat, oswa yon lòt kont pase sa ou te sèvi pou peye a. 6. Ka espesyal • Si yon pwoblèm teknik serye bò kote nou te anpeche w suiv kou a, ekri nou: n ap jwenn yon solisyon (repare, kredi, oswa ranbousman). • Si yon kou ta retire sou platfòm nan pandan ou poko fini l, n ap kontakte w pou jwenn yon solisyon ki jis. • Nan ka fwod oswa abi (pa egzanp, gade tout kou a epi mande ranbousman plizyè fwa), nou rezève dwa pou nou refize. 7. Kontak Kesyon sou yon peman? kontak@pniceacademy.com — oswa yon tikè sipò nan kont ou.